Rom 3 | Ndebele | STEP | Pho-ke yibuphi ubungcono bomJuda, kumbe luyini usizo lokusoka?

1 Pho-ke yibuphi ubungcono bomJuda, kumbe luyini usizo lokusoka? 2 Kukhulu ngendlela yonke; ngoba kuqala-ke ukuthi ^a baphathiswe amazwi kaNkulunkulu ^b. 3 Ngoba kuyini uba abanye bengakholwanga ^c? Ukungakholwa kwabo kuzakwenza ize ukholo lukaNkulunkulu yini ^d? 4 Phinde ^e! Kodwa uNkulunkulu kabe leqiniso ^f, kodwa wonke umuntu abe ngumqambimanga ^g, njengokulotshiweyo ukuthi: Ukuze uthiwe ulungile emazwini akho, unqobe ekwahlulelweni kwakho ^h. 5 Kodwa uba ukungalungi kwethu kubonakalisa ukulunga kukaNkulunkulu, sizakuthini? Kambe uNkulunkulu kalunganga yini owehlisela ulaka ⁱ? (Ngikhuluma njengomuntu ^j.) 6 Phinde ^k! Uba kungenjalo uNkulunkulu uzawahlulela njani umhlaba ^l? 7 Ngoba uba iqiniso likaNkulunkulu landisile kakhulu ^m edumeni lwakhe ngamanga ami, ngisagwetshelwani mina futhi njengesoni ⁿ? 8 Njalo kungenjengalokhu sigconwa, lanjengoba abanye bathi thina sithi: Kasenze izinto ezimbi ukuze kuvele okuhle? Abakulahlwa kwabo kuba ngokokulunga ^o.

AmaJuda alesono njengabanye

9 Pho-ke? Singcono yini ^p? Hatshi bo! Ngoba sesiwacalile mandulo amaJuda ^q kanye lamaGriki ^r ukuthi wonke angaphansi kwesono ^s, 10 njengokulotshiweyo ukuthi: Kakho olungileyo, kakho loyedwa; 11 kakho oqedisisayo, kakho odinga uNkulunkulu ^t; 12 bonke baphambukile, kabasizi lutho bonkana; kakho owenza okuhle, kakho ngitsho loyedwa ^u; 13 umphimbo wabo ulingcwaba elivulekileyo; bakhohlisa ngenlimi zabo ^v; ubuhlungu bephimpi bungaphansi kwendebe zabo ^w; 14 omlomo wabo ugcwele ukuqalekisa lokubaba ^x; 15 inyawo zabo ziphangisela ukuchitha igazi; 16 incithakalo losizi kusendleleni zabo, 17 njalo indlela yokuthula kabayazanga ^{y
,} ^z; 18 ukwesaba uNkulunkulu kakukho phambi kwamehlo abo ^aa. 19 Njalo siyazi ukuthi konke okutshoyo umlayo, ukukhuluma kubo abangaphansi komlayo ^ab, ukuze yonke imilomo ivinjwe ^ac, lokuthi umhlaba wonke ube lecala kuNkulunkulu ^ad; 20 ngoba ^ae emisebenzini yomlayo kakulanyama ezalungisiswa phambi kwakhe ^af; ngoba ngomlayo kulokwazi isono ^ag.

Umuntu ulungisiswa ngoJesu Kristu

21 Kodwa khathesi-ke sekubonakalisiwe ukulunga kukaNkulunkulu ^ah ngaphandle komlayo ^ai, okufakazelwa ngumlayo ^{aj
,} ^ak labaprofethi ^{al
,} ^am; 22 ngitsho ukulunga kukaNkulunkulu ngokholo lukaJesu Kristu kubo bonke laphezu kwabo bonke abakholwayo ^an; ngoba kawukho umehluko ^ao; 23 ngoba bonke bonile basilele enkazimulweni kaNkulunkulu ^ap, 24 balungisiswa ngesihle ^aq ngomusa wakhe ^ar ngohlengo olukuKristu Jesu ^as; 25 uNkulunkulu ^at ammisayo ukuthi abe yinhlawulo yokuthula ^au, ngokholo egazini lakhe ^av, ukuze kube yisibonakaliso sokulunga kwakhe ^aw, ngokuyekelwa kwezono ezenziwa ngaphambili ^ax, ekubekezeleni kukaNkulunkulu ^ay; 26 ukuze kube yisibonakaliso sokulunga kwakhe kulesisikhathi, ukuze abe ngolungileyo lokuthi uyamlungisisa ongowokholo lukaJesu ^az. 27 Ngakho kungaphi ukuzincoma? Kuvalelwe phandle. Ngomthetho bani ^ba? Wemisebenzi yini ^bb? Hatshi bo, kodwa ngomthetho wokholo. 28 Ngakho siphetha ngokuthi ^bc umuntu ulungisiswe ngokholo ^bd, ngaphandle kwemisebenzi yomlayo ^be. 29 Kambe unguNkulunkulu wamaJuda kuphela? Njalo kayisuye lowabezizwe yini? Yebo lowabezizwe; 30 lokhu uNkulunkulu emunye ^bf, ozalungisisa ukusoka ekholweni, lokungasoki ngokholo ^bg. 31 Ngakho siyawenza umlayo ube yize ngokholo yini? Phinde ^bh! Kodwa siyawuqinisa umlayo ^bi.